marepais, pro remedio anime mee, feci et te Radipertum notarium
scribere rogavi.
HIS temporibus, Landulfus comes, derelicta Capua vetere, ascendit
habitaturus in monticulum qui dicitur Trifliscus, qui alio nomine dicebatur Sicopolis, anno dominice incarnacionis octingen-tesimo
quadragesimo primo. qui post tercium annum defunctus
est. nam XXti. quinque annis Capuam veterem et mensibus tribus
tenuerat. cui succedit Lando filius eius, qui cum predictam civitatem
quam pater suus edificaverat novam in predicto monticulo
annis XIII. et menses VIII. dominatus fuisset, predicta civitas
funditus igne consupmta est. tunc convocatis fratribus suis Landone,
Pandone, et Landenulfo, cum Landulfo episcopo ad pontem
Cansulini, condiderunt ibi civitatem, que nunc est Capua, in qua
predictus Lando prefuit annis tribus et mensibus XIIII. tuncque
Capuam cum Neapolitis infinita bella habere ceperunt.
Supradictus autem abbas Teuto, causa utilitatis huius mona-sterii,
commutavit cum principibus Beneventanis res et possessiones,
quas habebat in Caudetanis, a quibus accepit possessiones et res
inclitas, cum ecclesia Sancte Dei genitricis Marie, que vocatur in
Oliveto. ||
|
|