Iohannes Bononiensis: Summa notarie

Pag 629


Martini proximo venturo, si dies iuridica fuerit, alioquin
prima die iuridica tunc sequenti, per se vel procuratorem
ydoneum, ubicumque in provincia nostra fuerimus,
conpareat coram nobis, in causa que inter ipsum ex una
parte et P de tali loco super ecclesia de . . vertitur, coram
nobis secundum retro acta quantum de iure fuerit
processurus.
Alioquin contra ipsum et in ipsa causa procedemus,
mediante iusticia, ipsius absencia non obstante.
Diem vero citacionis etc. ut supra.
P . Citacio ad certum actum.
Discrecioni vestre presencium tenore conmittimus, et
districte precipiendo mandamus, quatenus R de tali loco
per vos vel alium ex parte nostra peremptorie citare curetis,
ut octava die post citacionem nostram, si dies feriata
non fuerit, alioquin proxima die non feriata, per se vel
procuratorem ydoneum, ubicumque in provincia nostra fuerimus,
conpareat coram nobis, contestaturus litem — vel iuraturus
de calumpnia et de veritate dicenda, vel adverse
partis posicionibus responsurus, vel ad videndum iurare
testes, vel ad concludendum, vel auditurus sentenciam — in
causa que inter ipsum ex una parte et P de tali loco ex
altera super ecclesia de . . vertitur coram nobis.
Alioquin tam ad ipsam litem pro contestata habendam
in contumaciam eius quam alias ut iustum fuerit procedemus.
vel sic: alioquin tam ad juramentum calumpnie
ab adversa parte in ipsius contumaciam recipiendum quam
alias in ipsa causa quantum de iure fuerit procedemus.
Diem vero citacionis et formam etc. ut supra .
c.
A . Citacio facta a iudice delegato.
Gotfridus archydiaconus lewensis domini pape iudex
delegatus provido et discreto viro salutem et sinceram in
domino karitatem.

Torna all'inizio