integre persolvantur. Quocirca fidelitati tuae
praecipiendo mandamus, quatenus eosdem P.
et R.fideles nostros, cum tribus equitaturis
et duobus scuteriis mercimoniis, et rebus eorum
eundo, morando et redeundo, secure transire
et libere permittatis: nullam eis in personis
vel rebus molestiam inferentes, seu ab aliis facientes
inferri. Dum tamen attentius caveatur,
quod papales literas, vel alicujus de Romana
Curia non apportent: de regno prohibita
non extrahant: licite extracta ad infideles
non deferant: et nihilominus cum eis non distrahant
vel mercentur, nil machinentur publice
vel occulte, in laesionem nostri nominis
vel honoris: ad infidelium terras non divertant,
nil eis ferant vel referant verbo vel literis:
nec aliquem in eorum societatem scienter
admittant, ferentem, vel referentem aliquid
nostrae contrarium Majestati.
Cap. L.
Concedit nobili mulieri tutrici filiorum, quod
possit constituere procuratorem in causa sua.
Imperialis benevolentia cum fidelium subjectorum,
et nobilium maxime preces admittit,
et suum extollit solium, et ad serviendum
devotos animat incessanter. Hinc est,
quod nobilis vir A. de etc. fidelis noster,
pro filia sua Isabella, relicta quondam Jacobi
incontrati nutrice filiorum suorum, et Jacobi
supradicti, Majestati nostrae humiliter
supplicavit: ut de innata gratia et potestate nobis