Lanfrancus Ticinensis: In omnes epistulas Pauli commentarii, cum glossula interiecta

Pag 257


25. Et lugeam multos . Cum dicit ut lugeam multos,
eis probat quosdam ex his egisse poenitentiam,
quosdam non egisse. Quod Novatiano adversum est,
qui dicit fornicatores non posse peragere
poenitentiam.
26. LANFR. Et non egerunt poenitentiam . Hinc
comprobatur falsum esse quod perverse intelligentes
inconsiderate attestantur Apostolum in Epistola sua
ad Hebraeos scripsisse lapsos renovari ad poenitentiam
non posse.
CAP. XIII.—1. LANFR. Ecce tertio hoc . Non dicit
quod bis venerit, et tertia vice venturus sit, sed
quod bis se praeparavit, et venire non potuit, sed
hoc tertio apparatu venturus sit.
2. Ut praesens vobis . In primo adventu suo in praesentia
omnium bis praedixit quod subsequitur.
3. AMBROS. An experimentum? Probationem quaerunt
Christi loquentis in Apostolo, dum praeceptis
non obediunt, volentes probare si audet vindicare.
4. LANFR. An experimentum quaeritis , id est,
vultis experiri saevitiam meam vindicando in vos?
Christus loquitur , dicit ad exaggerationem.
5. AMBROS. Sed potens est . Potens est in his
Christus, quia viderunt in nomine ejus mortuos
suscitatos, daemones fugatos; haec omnia virtutis
sunt, non infirmitatis.
6. LANFR. Nam etsi crucifixus est . Quasi aliquis
diceret: Quomodo eum non infirmari dicitis, sed
potentem esse, quem constat esse crucifixum?
7. Sed vivit ex virtute Dei . Vivit, id est, vigore et
fortitudine plenus est. Sicut ad Hebraeos: Vivens est
enim sermo Dei et efficax ex virtute Dei, ex verbo
Patris, ex quo assumptus est .
8. Infirmi sumus . Non est, inquit, mirum si Christus
ex virtute divinitatis potens est; cum nos infirmi
ex eadem virtute fortes simus. In illo , id est,

Torna all'inizio