19. AMBROS. Iterum dico . Semper proponit quod
postea multis prosequatur.
20. LANFR. Iterum dico . Superius dixit: Utinam
sustineretis modicum quid insipientiae meae! scilicet
commendationem sui quae indiscrete facta insipientia
dicitur. Iterum dicit, ne quis putet eum insipientem,
cum hoc non pro se, sed ad illorum aedificationem
faciat; alioquin si volunt, putent, dum ipse
glorietur, tamen ad aedificationem.
21. Iterum dico . Item, inquit, et saepe narro vitia
illorum, ne quis audiens me redarguere illos, putet
insipientem.
22. Alioquin velut . Concessio adversae partis,
quae tunc competenter fit, quando concedenti non
est nocitura.
23. AMBROS. Ut ego modicum . Modicum dicit, quia
in verbis non in sensu est.
24. Quod loquor . Secundum Deum non loquitur,
quia ad carnis tumorem haec pertinent; nec de inflatione
apud Deum surgit gloria, quia apud Deum
humilitas gloriosa est.
25. LANFR. In insipientia . Insipientia esset, si
sponte gloriaretur; sed quia coactus, quasi in insipientia
dicit.
26. In hac substantia , id est, in hoc genere gloriae
quae fit secundum insipientiam.
27. Libenter enim . Causa cur contra fallacium
praedicatorum gloriam velit gloriari, quia videlicet
Corinthii libenter ferebant insipientiam illorum,
cum quidam ipsorum in verbo Dei sapientes
essent.
28. AMBROS. Si quis devorat . Contenti erant devorari
res suas a falsis doctoribus.
|
|