16. Spero autem . Quasi diceret: In bono cognovistis
nos, in principio; et in bono cognoscetis usque
in finem.
17. AMBROS. Quia gloria vestra . Proficere illis [ al .,
illos] sperat, quia gloriabantur in eo, velut in patre
charissimo; unde et gloriam suam videri testatur in
filios obaudientes; et tunc videri, quando prodest,
id est, in die judicii.
18. LANFR. In die Domini , etc. Sancti enim in
praesenti de sua bona conscientia gloriantur, ut in
psalmo: Omnis gloria ejus filiae regis ab intus .
19. Et hac confidentia , id est, propter hanc confidentiam,
qua speramus per alterutrum glorificari.
20. AMBROS. Aut quae cogito . Qui secundum carnem
cogitat, tunc implet [ al ., non implet] quod disponit,
quando aut personis amplioribus defert, aut
certe litteris [ al ., lucis], aut apparatibus vincitur.
Spiritualis autem tunc dispositum non implet, quando
aliquid providentius pro salute animae meditatur.
21. LANFR. Secundum carnem, id est, more carnaliter
viventium; qui pro terreno commodo, facile
voluntatem suam mutant.
22. In illo est, et non , id est, praedicatio nostra,
non docuit vos mentiri, et leviter mutare sententiam
23. Non fuit, est, et non . Quasi diceret: Praedicatio
nostra non docuit homines mentiri, quia Magister
noster, quem praedicamus vobis, non docuit
nos de eadem re dicere, est, et non; id est, proferre
mendacium. Sed est , tantum de re quae est; et
non est , similiter de re quae non est.
24. Quotquot enim , id est, merito Christus veritatem
docuit, quia Deus Pater promissiones suas in
illo etiam, id est, vere, complevit.
25. AUGUST. ( expos. psal . LXXI, tom. VIII.) Quotquot
enim . Omnes promissiones Dei illo etiam, id est, in
illo firmatae, quia in illo impletum est quidquid pro
|
|