letanter: Non ibi liuor secundis anxius,
non detractio, non aspernatio, sed quisque tue facundie
laudes efferre molitus; quanquam de
uiuis et nouis parcissima laus sit; pro tui gloria
nominis instanter ueritatis argumento
certabat. Iam michi uideor Trasonem, cui meque
si ultra processero qui aduler constituisse Gnatonem;
sed michi testis Deus est quia non
mentior, nec gnatonico more loquor.
Insuper inuolucrum hoc aromatum potius
quam epystolarem sermonem, prudentia tua
supplico, patiatur. Me quoque sub tuis uenerandis
pedibus uelut si campum elysium incolam,
contentum perpetuo, beatumque considera.
Florentie penultima die Januarii.