XXIV. [Sanctus Georgius] - Est aqua que poterit de iure Georgica dici:
Abdita telluris vena ministrat aquam.
Qua nullus poterit flamma non indice fungi:
Nam via sub terris plena tumore latet.
Quantum mens hominis timet ingrediendo lauacrum,
Mirificam tantum leta relinquit aquam.
Hec lapidem frangit; urmam soluit ad usum.
In multis prohibet articulare malum.
Si scia, si crura, si pes, si brachia, si frons
Egrotant sanctis hiis releuantur aquis.
Hoc bene contestor; quidem cu[m] mingere vellet
Euomuit lapides virga coacta duos.
|
1
5
10
|