Postmodum interroget eum diligenter secundum modum
inferius annotatum.
Et ut melius et plenius exprimam quod intendo, pono
casum et articulos.
Ecce quidam petit a quodam debitore suo c libras
quas ex causa mutui sibi dedit, et dat tales articulos.
intendit probare P contra ipsum R, quod ipse P pure numeraverit
et tradidit eidem R ex causa mutui c libras. item quod
dictus R promisit, eidem P reddere et restituere dictas c libras
ad terminum vi mensium. item quod de omnibus predictis et singulis
est publica vox et fama.
Si articuli fuerint ita pauci, interroget testem notarius
super primo articulo, et postmodum super secundo, et
sic de singulis.
Set lectis sibi omnibus articulis et vulgarizatis a parte,
si laycus est, dicat sibi quidquid scit de ipso negocio, et
faciat eum dicere integraliter quidquid scit. si vero
testis diceret, vera esse que in articulis continentur,
vel vera esse que in dicto articulo continentur, non debet
esse notarius contentus de tali dicto, quia videtur quod
testis sit subornatus, set dicat tunc notarius testi: quomodo
vera sunt, dicas mihi factum et quid inde scis.
Postmodum audito et intellecto bene toto eo quod dixerit,
scribat notarius sic.
B . Idem modus examinandi testes.
Iacobus de Bononia testis iuratus — lectis et apertis
et wlgarizatis articulis suprascriptis — dixit, quod dictus
P mutuavit dicto R c libras turonenses, et quod dictus
R promisit eidem R c libras restituere infra vi menses tunc
proximo venientes.
|
|