: Passio ss. XII Syrorum (BHL 1620, 1622, 6955)

Pag 208


eis honoratisque, pone in sarcofago nouo». Eadem hora surrexit
a somno et perrexit ad locum, quem ei angelus Domini demonstrauerat,
et inuenit corpora sanctorum inhumata; et collegit eos et
posuit in spelunca sua, ubi alii sancti sunt conditi, ubi fuerunt in
oratione nunc et semper et in secula seculorum. Amen.
Et uenerunt ministri ad Martianum, et dixerunt ei: «Est de
Christianis illis alius seductor absconsus in ciuitate Martulana, qui
docuit omnes sub montanea doctrinam Christi sui». Quo audito,
Martianus furore nimio repletus iussit ministris suis, ut uinctum
catenis et penis magnis adducerent ante uestigia sua. Exierunt
milites et uenerunt in sexto miliario a ciuitate Spolitina, in territorio
Salustiano, in superiori uia, in uertice collis, ubi sanctus Britius in
oratorium suum laudes Deo reddebat. Et apprehenderunt eum et
fecerunt sicut eis iussum fuerat: uinctum catenis et penis magnis
adduxerunt ante uestigia Martiani. Et dixit ad sanctum Britium:
«Tu es de fatuis illis doctoribus populorum?», Cui sanctus
Britius respondit: «Fatui sunt omnes, qui credunt in ydolis, manu
hominum factis, surdis et lapidibus». Cui Martianus dixit:
«Ubi collegantes tui, qui talia uerba locuti sunt?». Cui sanctus
Britius respondit: «Illi modo sunt in requiem eternam, qui cum
domino meo Iesu Christo regnabunt in eternum, ubi non est finis
bonorum. Et tu uade in damnationem penae eternae cum patre

Torna all'inizio