se ipsum predicat, predicatione non corripitur aliorum. Et
dixit alter: si volueris sensu tuo tuam vincere voluntatem, tua
te concupiscencia non gubernes, et finem observes. Et dixit
alter: verecundia est quedam passio de re commissa indebite
in presencia se maioris; et hec moralitas non est nisi in illo
qui animam habet perspicuam rerum pulcrarum. Et dixit:
melior est qui se humiliat dum sublimis existit, et qui mundum
abhorret validus existens, et qui se moderatur dum est potens.
Et quesiverunt ab uno sapiente ut distingueret opus huius mundi
ab alio. Respondit: iste mundus est somnus quidam, et alter est
vigilia; medium inter eos est mors; nos autem vanitates somnorum
sumus. Et dixerunt cuidam sapienti: quid lucraris per
sapienciam tuam? Respondit: sapiencia rationem firmavit et, instanciam
auferens, dubitationem solvit. Et dixit alter: miror
cordis quod diligit mundum istum, volens semper in eo morari,
cum cotidie visibiliter abrevietur vita nostra. Et dixit alter: vir
cordatus est ille quem delectant magis aspera rectificantis eloquia,
quam adulatoria fraudatoris. Et dixit alter: in affligendo naturam
et in permittendo elongari pilos non est Dei servicium, sed
in frenando naturam a vilium concupiscenciarum excessu. Et
dixit alter: si volueris quod sint magne bonitates tue in oculis
hominum, modice sint in tuis. Et dixit alter: si scias te esse
bonum, quod alii de te senciant non nocebit. Et dixit alter: non
coneris in acquisitione rei quam ab alio demi noscere est, et
id in quo dubietas incumbit omitte. Et dixit alter: bene loqui
quam bene tacere melius est. Et dixit alter: associatus sum divitibus
et dolui quia eorum vestes et ornatus meis prevalebant,
et adiunxi me pauperibus et quievi. Et dixit alter: velut ferrum
usui non expositum operitur rubigine et paulatim consumitur,
|
|