Lanfrancus Ticinensis: In omnes epistulas Pauli commentarii, cum glossula interiecta

Pag 310


18. Mihi enim . Quoniam dixit quia magnificabitur
Christus per vitam, nec hanc probationem habebat,
adjecit: Mihi enim vivere Christus est ; neque
enim, si vivam, inquam, alterius rei curam habeo.
19. LANFR. Quod si vivere in carne . Quandiu in
carne possum proficere aliquid, ignoro quid eligam
seu mori seu vivere; et si enim in carne nihil
prodesse possem, haud dubium quin mortem
eligerem.
20. AUGUST. (lib. III De doct. Chr. c. 2, tom. III.)
Et quid eligam . Sic ergo distinguendum est, et quid
eligam ignoro . Compellor autem ex duobus; quam
distinctionem sequitur concupiscentiam habens dissolvi
et esse cum Christo. Et tanquam quaereretur
quare hujus rei potius habeat concupiscentiam, multo
enim magis optimum, inquit
21 AMBROS. Idem certamen . Exemplo sui magis
eos adhortatur.
22. LANFR. Idem certamen habentes . Quando tunc
dixit Pythonissae Philippis futura praedicare.
CAP. II.—1. AUGUST. (serm. 11, De verb. Domin .
c. 17, tom. X.) Si qua societas . Ad ipsum enim pertinet
societas qua efficimur unum corpus unici Filii
Dei.
2. AMBROS. Si qua viscera , id est, si diligentes
nos condoletis nobis talia patientibus.

Torna all'inizio