sub lege non erant; sed de his poterat esse dubitatio,
sine causa non deserui [ f. , deseri].
9. AMBROS. (53) Ut adoptionem . Adoptionem propterea
dicit, ut distincte intelligamus unicum Filium
Dei. Nos enim beneficio et dignatione misericordiae
ejus filii Dei sumus. Non dixit, accipiamus, ut significaret
hoc nos amisisse in Adam, ex quo mortales
sumus.
10. AUGUST. ( in Epist. ad Gal. ) Clamantem, Abba,
Pater . Eleganter intelligitur non frustra duarum
linguarum verba posuisse idem significantia, propter
universum populum qui, de Judaeis et gentibus,
in unitatem fidei vocatus est, ut Hebraeum verbum
ad Hebraeos [ al. Judaeos], Graecum ad Graecos [ al. ,
gentes]. Utriusque tamen verbi eadem significatio ad
ejusdem fidei spiritusque unitatem pertineat.
11. ( ibid. ) Itaque jam non est . Propter hoc quod
dixerat: Nihil differt a servo .
12. AMBROS. Imo cogniti . Non enim scientibus
vobis, aut videntibus, divina vobis quodam modo
illuxit scientia.
13. AUGUST. Quomodo convertimini iterum , etc.
Ipsa tamen nolebant redire ad gentilitatem, sed ad
circumcisionem. Sed pro eodem deputat; ideo dicit;
iterum et denuo, quia idem est in genere, in
servitio.
14. AMBROS. Convertimini iterum . Quid prodest
vos evasisse servitutem, qua tenebamini, cum serviretis
elementis mundi, quando rursus alia [ f. ad
illa vel ad alia] reditis.
15. AUGUST. ( ibid. ) Ad infirma. Quia infirma et
instabili specie variantur.
16. ( ibid. ) Egena , quia stabili specie creaturae
egent.
17. AMBROS. Elementa , id est, temporibus servitutis.
Manifestum est enim volumina temporum per
elementa mundi, hoc est coelum et terram, et motus
atque ordinem siderum administrari.
18. LANFR. Dies observatis . Dies, suasio quaedam
est; non enim dies observabant, nisi gratias agentes,
ut nos.
|
|