lege praedicatum inveni Christum, cui credens, mortuus
sum legi.
33. AUGUST. ( ibid. ) Ego enim per legem. Quia 125
Judaeus fuerat, et tanquam paedagogum legem acceperat.
Hoc autem agitur per paedagogum, ut non sit
opus paedagogo: sicut per ubera nutritur infans,
ut jam uberibus non indigeat.
34. LANFR. Ego enim per legem . Ad superiora
probanda redit. Dixit superius quod ex operibus
non justificatur omnis caro; et hoc probat dicens
se mortuum legi suae per legem Christi, ut Deo vivat;
frustra enim moreretur legi suae ut Deo viveret, si
per eam justificari posset, cum nihil sit aliud Deo
vivere quam in conspectu Dei justum esse.
35. Christo confixus , id est, cum Christo crucifixus
sum sicut ille carne, ita ego vitiis et
concupiscentiis.
36. AMBROS. Vivo autem , quia in baptismate
mortis et resurrectionis forma impletur. Ea quae
ipsa re futura sunt, facta jam dicit, quia eorum habet
spem.
37. Vivit vero in me Christus , quoniam illius
vitam mortalem spe vivit.
38. AUGUST. ( ibid. ) Vivit vero in me Christus .
Vivit vero in me Christus, quid ergo? Nega te,
noli tu ipse vivere in te. Quid est noli tu vivere in
te, nisi facere voluntatem tuam, sed illius qui habitat
in te?
39. ( ibid. ) Non abjicio . Si ergo me Christus dilexit,
et tradidit semetipsum pro me, non irritam
facio gratiam Dei, ut dicam per legem esse justitiam.
40. LANFR. Non abjicio . Quamvis, inquit, Judaeus
sim, et observantia legis videar esse justus, non
tamen abjicio gratiam Dei, id est, remissionem peccatorum
per fidem Christi.
41. Si enim per legem . Ad superiora item probanda
redit, quia ex operibus legis non justificatur omnis
caro , etc. Contrariam partem ad inconveniens ducit.
42. Si enim per legem justitia , etc. Adhuc probat
per legem non esse justitiam; nam si hoc esset,
non esset per Christum; etsi non esset per Christum,
mors Christi gratis fuit, id est, cassa, cum
nullum fructum attulerit. Inter diffinitionem et
diffinitum.
43. Christus gratis mortuus est . Ad hoc Christus
|
|