Caseatas comedunt, et post vinum forte
Disputant de Pontio, Platone vel sorte.
Inquirunt ut populis inducant tremorem
Magis quam ut heresis expellant errorem,
Quia multi tribuunt eis per timorem
Qui nil darent penitus ipsis ob amorem.
Dei et Ecclesiae simulantes zelum
Non verentur ponere os suum in coelum,
Et secum ypocrisis deportantes velum
Excolantes culicem glutiunt camelum.
Ingerunt consiliis se non invitati,
Quidquid agant layci, quidquid litterati
Et maiores clerici seu magni praelati
Spernunt et vituperant nisi sint vocati.
Hi portantes gladium more furibundi
Periura quae nesciunt et summam rei pro mundi (sic)
Credunt se confundere nec posse confundi,
Omnes quamvis fuerint in jure profundi.
Hanc de poenitentia dictus R. notavit
Ubi de contractibus et causis tractavit,
Dum aperte minima totum nominavit
Et nomen tuum simul usurpavit.
|
|