: Constitutum consulum Comunis Pistorie

46


[5]
Et statuimus ut maiores Pistorie consules toto tempore eorum
consulatus faciant et facere faciant districtam omnibus manifestis
inimicis Pistoriensis populi, secundum quod melius pot[u]erint,
ad bonum et ad honorem nostre civitatis et ad malum
et detrimentum nostrorum inimicorum, infra duos proximos menses
postquam iuratum habuerint.
[6]
Et statuimus ut taliter iurent illi qui eligant electores consulum:
Ego eligam quinque homines, quos potiores et idoniores
esse cognovero ad honorem Dei et sancti Iacopi et sancti
Zenonis et populi Pistoriensis. Ego non sum in aliqua compagnia
vel sumissione pro aliquo officio civitatis dando vel recipiendo,
nec aliquod comma[n]damentum vel ante factum vel
post factum, nec aliquod intendimentum est mihi datum aliquo
ingenio pro aliquo officio civitatis dando et recipiendo; nec aliquod
sacramentum feci neque recepi pro aliquo officio civitatis
dando vel recipiendo. Et eligam tres homines, quos potiores et
idoniores esse cognovero ad salvamentum et ad hutilitatem Pistoriensis
populi, qui eligant quinque consules meliores et potiores
quos cognoverint ad hutilitatem et salvamentum Pistoriensis
populi, non considerato ibi amore nec inimicitia nec ulla
humana gratia.
[7]
Hoc est sacramentum illorum qui debent eligere consules:
Ego non sum in aliqua compagnia vel sumissione pro aliquo
consulatu civitatis Pistorie dando vel recipiendo; neque aliquod
intendimentum neque advedimentum est mihi datum, neque comma[n]damentum

Torna all'inizio