Petrus de Vinea: Epistolarum libri VI. Tomus II

Pag 171

Tomus II


Cap. IV.
Concessio Cancellariae.
Satis honoris nostri fastigia credimus prudenter
extollere, si ad regiae potestatis negozia
consiliis utique promovenda,
non casibus viros praeclaros erigimus, et
rectores idoneos praelustribus officiis coaptamus,
ut sic eorum probitas laudata, non
algeat, dum sua sint nomina fascibus intitolata
magnificis, et mentis nostrae tranquillitas
non vacillet, dum latera nostra prospicimus
providis decorata ministris. In hoc etiam
liberalitatis nostrae non erat intentio, ut quotiens
personas dignas et sufficientes inveniat,
honores eis et beneplacita inculcet et onera
gratiose, circa eos quasi de liberalitatis promptuario
pleno fluat. Eapropter per praesens
privilegium noverit tam praesens aetas, quam
successura posteritas, quod nos attendentes fidem
puram et devotionem sinceram, notam
prudentiam, [et sufficientiam approbatam]
T.de Otra, dilecti et fidelis nostri: volentes
etiam, ut idem cujus legalitati de negotiis
cismarinis onera confidenter injungimus,
suum ultra mare se dilatare gaudeat magistratum:
ipsum nuper provida consilii deliberatione
praehabita, Cancellarium haereditarii
regni nostri Hierosolymitani, solenniter duximus

Torna all'inizio