CIX. – DE LIBERTATE CONSULUM FACIENDI FIERI CASSINAS.
Item statuerunt et ordinaverunt quod consules comunis vallis
diverii qui fuerint per tempora habeant potestatem et banliam
faciendi fieri cassinas per Alpes suprascripti comunis videlicet
unam cassinam pro qualibet curta dictae vallis.
CX. – DE CREANDIS OFFICIALIBUS DICTI COMUNIS.
Item statuerunt et ordinaverunt quod quilibet pater familias
sive caput ignis dictae vallis in quolibet die calendarum ianuarii
cuiuslibet anni esse debeat in sosta comunis ad faciendum
sua ordinamenta in eligendo consules, sindicos, credentiarios
et alios officiales dicti comunis sub poena soldorum
quinque imperialium pro qualibet persona. Et quod quilibet
persona dictae vallis illorum locorum in quibus locis continget
elegi consules illius anni quae recedat a dicta valle per octo
dies ante calendas ianuarii sine licentia consulum et credentiariorum
anni proximi preteriti det et solvat pro poena et bano
libras decem imperiales pro qualibet persona. Quae poena
sit suprascripti comunis.
CXI. – DE NEMORE TENSATO IN RUINIS DE LINCIO.
Item statuerunt et ordinaverunt quod omne nemus cuiuslibet
maneriei sit tensum in plazio de Lincio et in ruinis de
Lincio, a pellario infra, a riazolo in intus, a maulono in foris
et a flumine cairaschae sursum iuxta possessiones laboratas et
extra possessiones non laboratas reserventur brinzolis et bozoli.
Et hoc sub poena soldorum quinque imperialium pro qualibet
planta.
CXII. – DE TENSO GAZII.
Item statuerunt et ordinaverunt quod non sit aliqua persona
quae de cetero audeat nec praesumat ducere nec duci facere
aliquod lignamen per totum territorium graziis de Gorta,
videlicet ab Incissa in intus et a lavancalo in foris. Nec ponere
nec poni facere ignem in aliquo nemore comunis vallis Diverii.
Et hoc sub poena soldorum quinque imperialium pro
qualibet persona et qualibet vice. Et quilibet fide dignus possit
accusare. Item teneatur ad restitutionem damni sine speciali
licentia consulum dictae vallis.
CXIII. – DE TENSO PLANI COMUNIS VALLIS DIVERII.
Item statuerunt et ordinaverunt quod sit tensum a Fontanellis
citra apud tulliagam usque per totum territorium de rustiano
|
|