cadat insidias et pro ipso in domo domini non sit
panis; expectant quod pro illo qui est consumptus angustia,
in dominica vinea non sit uva; expectant quod
deficiat mentis oculus et pro eo in domo domini non sit
cibus. Expectant quod adhuc claudicare debeat in suis
semitis qui vinctus est funibus paupertatis. Expectant
quod a casibus non eripiat pauperem qui justo judicio
judicat totum orbem. Expectant quod cadentem non
erigat, eo quod illum asperitas doloris inclinat. Recogitent
qui mala cogitant quando pullis corvorum negavit
escam qui in altis habitat et firmat fundamento stabili
totam terram; quando servis suis rorem negavit gratiae
qui servat ostiis suis mare; quando negavit pauperi elemosynam
qui respicit terram et tremere facit eam;
quando non fluit in sitientem fons fontium et in egente
non eget qui tenet in sublimibus principatum. Revolvant
secum qui talia in cordibus meditantur quando Petrus
petra Ecclesiae et janitor coeli illos repulit quos vocavit et
eos deseruit quos assumpsit, quando petentes gratiam a
Christo ab ipso passi sunt in petendo repulsam, quando
perdiderunt mercedem laboris et operis petentes subsidia
pietatis, quando ejus vicarius, pater orbis, inhumanus
extitit creaturis, quando in mundi hujus statu
instabili non est secutus vestigia Dei sui, quando non
peperit quod concepit, quando quod incepit non fine
desiderato conclusit. Quis post Petrum sic petra fortitudinis
extitit? Quis sic pro fidei Christianae defensione
pugnavit? Quis sic sancti institutor est ordinis, quis sic
sectam diligit novae prolis? quis sic educat providos?
quis sic exaltat egenos? quis sic curam erit pauperum?
quis sic placet per opera pia regi regum? quis sic in
omnibus viis suis opera pietatis exercet? qui me reddit
inopem et molestiam corporis efficit sufferentem? Consurgat
ergo pater, quasi fulgor meridianus ad vesperam
|
|