et vigiliis et ieiuniis edomare» vel «salutem et illam
quam mundus dare non potest pacem» vel «salutem et de
labore fructum suscipere gloriosum» vel «Dominum facie
ad faciem contemplari» vel «de cursu bravium obtinere»
vel «semper oleum in lampadibus suis ferre» vel «salutem
et celesti sponso placere, et illibatum servare pudoris annulum
et armillam», vel «salutem et ad fructum centesimum
pervenire».
LVII.
De heremitis, humiliatis pariter et conversis.
«Dilecto in Christo fratri amico speciali et domino reverendo
B. heremite Camaldulensi sanctitate vite probato et
mentis ac corporis honestate, B. heremita sancti Michaelis de
Nemore salutem et usque ad veram perseverare coronam».
Humiliati et Deo devoti sic se salutant: «Viro dilecto amico
et fratri carissimo A. penitentiam agenti B. humiliatus et
Deum timens salutem et die noctuque in lege Domini meditari».
Conversi sic se salutant: «Fratri dilecto et amico speciali
D. converso sancti Proculi, C. conversus sancti Damiani
salutem et per bonum obedientie ad premium celestis
magnificentie pervenire».
LVIII.
Salutationes iudicantium.
«Multe sapientie ac discretionis viro domino P., legali
et facundo iudici Mutinensi, iuris et facti peritia decorato»
vel «tam iuris prudentia quam facti experientia redimito,
A. iudex Bononie» vel «talis eius consanguineus» vel
«amicus, salutem et in libra rationis sedere et singula sua
|
|