63. Consilium est dubitabilis propositio; et consultus est sua
quies.
64. Gratia est forma primitiua, in gratiato posita sine gratiati
merito.
65. Perfectio est forma, cui proprie competit perficere in
subiecto perfecto.
66. Declaratio est forma, in qua intellectus quiescit distinguendo.
Declaratus autem est suum subiectum, in quo declaratio est
habitus.
67. Transsubstantiatio est actus naturae in transsubstantiato,
denudata forma antiqua et induta forma noua.
68. Alteratio est forma, nata in alterato.
69. Infinitas est forma, habens actum infinitum, ab omni finito
remota.
70. Deceptio est habitus positiuus decipientis; et est habitus
priuatiuus decepti.
71. Honor est habitus actiuus in honorante; passiuus autem est
in honorato.
72. Capacitas est forma, cum qua capax tantum potest continere
et recipere, quantum potest ei euenire.
73. Existentia est forma, cum qua existens existit id, quod est.
Agentia est forma, mouens existentem ad terminum ad quem.
74. Comprehensio est similitudo infinitatis, et apprehensio finitatis.
75.
Inuentio est forma, cum qua intellectus inuenit inuentum.
76. Similitudo est forma, cum qua assimilans assimilat sibi suum
assimilatum.
77. Antecedens est forma, causans consequens. Consequens
autem est subiectum, in quo antecedens quiescit.
78. Potentia est forma, cum qua intellectus attingit obiectum.
Obiectum autem est subiectum, in quo intellectus quiescit. Actus
est connexio potentiae et obiecti.
79. Generatio in creaturis est forma, cum qua agens causat
formas nouas. Corruptio est forma, cum qua corrumpens priuat
formas antiquas. Priuatio autem existit in medio ipsarum.
80. Theologia est scientia, quae loquitur de Deo.
|
|