OFFERCIO SANCTI ANGELI IN SALAVENTO
TRASMUNDI COMITIS.
IN Dei nomine. Ab incarnacione domini nostri Iesu Christi sunt
anni nongentesimo nonagesimo quarto, et dies mensi madii [.....],
per indiccione[m] septima[m]. Ideoque ego Trasmundus comes,
filius quondam Trasmundi, dux et marchio, declaro enim, sicut in
edicto Langobardorum continet pagina, ut qui res suas, pro salute
anime sue, in casa Dei tradere voluerit, ut licenciam abeat, et quod
iudicaverit pro anima sua, stabile debeat permanere. modo vero, in
ea videlicet racione, ego Trasmundus comes, propter nomen Domini
et redempcione et salvacione anime mee, ut michi dominus
noster Iesus Christus veniam retribuere dignetur, et ad suam sanctam
graciam revocetur, ut cum venerit diem illum futurum iudicii
mercedem accipere merear, et ut ego exinde aliquantulum
in futuro iudicio abeam, indulgenciam de peccatis meis et lux
perpetua in eterna vita, propterea ego supradictus comes, ab hodierna
die, propria et spontanea mea bona voluntate, sic dono, trado atque
iudico, pro anima mea, in ipso monasterio Sancti Vincencii, qui
situm est infra territorio Beneventano, qui est super ripam Vulturni
fluminis, ad proprietatem de supradicto monasterio possidendum,
idest de rebus proprietatis mee, que mihi supradicto
|
|