Hinc bellum incipiunt manibus ferroque cruentum
afflictamque urbem per diruta menia Troes
intrant et crebris dant impia proelia telis.
Contra instant cives et magnis viribus hostes
impellunt; stant illi acres et pectore fortes
cum ferro et clipeis. Pendens victoria nulli
se magis ostendit quam res et dextera possit:
utraque pars equis pugnat cum viribus, omnes
ore fremunt dubioque diu sub Marte resistunt
hostes sorte pari. Bellum undique et undique bellum,
ira, furor, ferrum mesteque ad sidera voces
et cum vulneribus sua funera. Maxima tandem
|
70
75
|