in civitate ultra Tiberim se nolle vel non debere ei hoc facere
pretenderunt; sed maxima superbia commoti ex hac parte
Tyberis per pontem, qui est supra ipsum flumen in Isolella,
cum armis ad bellum faciendum preparati ipsi imperatori
obviam venerant. Imperator vero cum eius exercitu, ut eos
sic omnes, equites et pedites, armatos ad bellum venientes
prospexit, omnes suos ad arma accipienda festinare precepit.
Qui eum arma festinanter accepissent, omnes in bello prosiluerunt
ac cum ipsis Romanis fortiter se commiscuerunt.
Imperator itaque cum Teutonicis aliique etiam omnes, qui
cum eo in eius exercitu fuerant, acriter cum Romanis dimicantes,
multis etiam ab utraque parte in campo interfectis
multisque vulneratis plerisque etiam ex equis deiectis, tandem
Romani vim imperatoris eiusque exercitus sustinere non
valentes terga ad fugiendum verterunt. Imperator vero cum
suo exercitu eos acriter persequens et multos in ipsa fuga vivos
capiens multosque etiam interficiens usque in Tyberim eos
fugare non cessavit. Romami autem cum ad Tiberis fluvium
pervenissent, multa milia ex eis cum armis, alii vero sine
armis in ipso flumine se precipitanter proiecerunt; ex
quibus maxima copia necata est. Multique etiam ex his, qui
|
1
5
10
15
20
|