consecrantes et processionem sollempniter cum CXXX vexillis ecclesiasticis facientes.
Anno
[Domini] MCXCVII. reversus imperator in Ytaliam, rediens in Siciliam,
mortuus est et sepultus. His temporibus quidam extitit Ioachim
Appulus abbas, qui spiritum habuit prophetandi, et prophetavit de morte imperatoris
Henrici et futura desolatione Siculi regni et defectu Romani imperii.
Quod manifestissime declaratum est. Nam regnum Sicilie multo tempore est perturbatum
et imperium per scisma divisum. Eodem anno castrum Iovis- alte,
quod a primo lapide inchoavimus, ad honorem et utilitatem palatii Cremonensis
feliciter consumavimus.
Anno Domini MCXCVIII. facta est in regno de imperatoris electione seditio.
Nam imperator Henricus pupillum de augusta relinquens a principibus optinuerat
de pupillo electionem, etiamve pupillo fecerant fidelitatem. Inter Philippum
quoque Frederici filium, [Henrici fratrem patruumque pupilli, necnon et Ottonem,
ducis condam Henrici Saxonie filium], ad imperium adspirantes in Theutonica
regione concertant; nam et uterque a principibus electus est. His temporibus
Innocentius papa creatur, qui, ut pupillo esset adiutor et ecclesie iura defenderet,
adversus quendam Marchoardum, qui se quoque pupilli iura tueri, nescio
|
1
5
10
15
|