intus israelita verus qui foris videbatur egyptius, quia non defuit
infra illam multitudinem, latens deintus, qui vocari mereretur
Joseph. At quia noluit Joseph rem habere cum muliere egyptia,
traditus est a viro in carcere, quia nimirum in carnali conventu
frustra nititur quis spiritaliter vivere, quinimmo non frustra, sed
non impune: tales enim inter eos mancipabantur in carcere. Quando
«autem placuit ei, qui illum segregavit ab utero matris sue et
vocavit per gratiam suam», ut parvus ille grex, qui postea Cistercium
venit, de domo carceris educeretur, eo quod tempus esset et hora,
ut visio illa venerabilis, quam de septem spicis et vaccis totidem
pharao quondam viderat, solveretur, completum est illud misticum
quod Joseph presignaverat libertas, ex eo utique tempore quo Cistercii
domus fundata est. Sublimatus est Joseph in Egypto, sublimatus
est et ordo Cistercii, ita ut post annos aliquot putares eum
regnare in terra Egypti, affligere egyptios, exaltare ebreos; quia et
mundus videns tam novum signum, a suo cepit rigore sucumbere,
et Domini servituti se et sua gratis addicere, et spiritalis grex, dilatatus
in fratribus, spiritalibus augmentis proficere. Hec de primo
|
|