non adoro deos surdos et mutos manu hominem factos, quia
os habent et non locuuntur, oculos habent et non uident, au-
res habent et non audiunt, nares habent et non odorant, ma-
nus habent et non palpant, pedes habent et non ambulant: si-
miles istis fiant qui faciunt et omnes, qui confidunt in eis».
Tunc Sebastianus furore repletus iussit eum diu torqueri.
Beatus Medicus orauit ad Dominum dicens: «Gratias tibi
ago, domine Iesu Christe, unigenite fili Dei uiui et ueri, quia
merui me computari modo in eorum societate, qui pro tuo
nomine ad martyrii coronam perrexere».
Tunc iratus Sebastianus iussit eum solui et sic de stipi-
te deponi. Sanctus Medicus coactus desiderio dixit: «Fac,
quod facturus es, quia ego scio, quod fortior te est, qui pro
me pugnat». Tunc Sebastianus et Terentianus iusserunt fu-
stes afferri et super eum extendi et quinque terniones transire
et clamare ad eum: «Sacrifica diis, quos imperator adorat!».
Beatus Medicus respondit: «Dominus meus Iesus Christus
eternus est, et ipse dixit: Omnis, qui ydolis sacrificauerit, era-
dicabitur». Tunc Sebastianus iussit eum appendi in eculeo,
et lampadibus uri, et ungulis radi. Beatus Medicus dixit il-
li: «Nonne tibi dixi, quoniam inimicitiae tuae me latificant,
et faciunt gratiam ampliorem in conspectu regis mei acquire-
re?». Terentianus consiliarius dixit: «Quoniam uideo hunc
rebellem et uerbera et tormenta optare potius quam timere,
|
|