Item, eodem anno millesimo ducentesimo nonagesimo quarto, indictione septima, dominus
papa Celestinus quintus elegit et fecit comitem provincie Romaniole dominum Robertum de
Cornay, qui comes intravit ipsam provinciam die martis, hora tercie XII mensis octubris, et
hospitatus fuit apud Mundainum, in comitatu Arimini. Item, die iovis sequenti, venit ad civitatem
Arimini, et ibidem stetit usque ad diem martis XIX dicti mensis octubris.
Item, dicta die martis, venit Cesenam, et ibidem moratus fuit usque ad diem dominicum
XXIV dicti mensis octubris.
Deinde, dicta die dominica, venit ad civitatem Forlivii, et ibidem stetit deinde ad diem
martis, secundo mensis novenbris eiusdem anni.
Item, dicta die martis, secundo novenbris, dictus dominus comes equitavit ad civitatem
Faventie, ubi, cum honore ac triunpho et magno astiludio, est receptus; et ibidem moram
traxit usque ad diem lune VIII mensis novenbris predicti.
Item, dicta die lune, venit Imolam. Et, die dominica precedenti, VII dicti novenbris,
dictus dominus Robertus comes provincie Romaniole, receptis a comuni Faventie duobus
millibus florenis auri.……………………………………………………………………….
[absolvit eos excommunica]tionum et privationum honorum et dignitatum, per dominum Petrum
archipresbiterum de Ortona, Tethiensis diocesis, apostolice sedis legatum; de quibus
facta fuerunt plurima instrumenta, unum manu….
Item, in dicta civitate Imole, fecit maximum parlamentum idem dominus comes, die mercurii
X dicti mensis novenbris, et fecit legi suas constitutiones ibidem; in quo parlamento
firmatum fuit, de voluntate omnium anbaxiatorum et sindicorum totius provincie Romaniole,
[quod ipse dominus comes haberet liberum arbitrium accipiendi et tenendi stipendiarios
ad suam voluntatem].…
Item, sub eodem millesimo ducentesimo nonagesimo quarto, indictione septima, in festo
omnium sanctorum, magnificus vir dominus Aço marchio de Feraria fecit curiam generalem,
in qua fecit militem fratrem suum Franciscum, et multos alios viros nobiles cum eo militari
cingulo adgregavit. Et, hiis diebus, aque de Alpibus in tantum creverunt et emanaverunt
in flumine Padi et aliorum fluminum, a Cremona inferius, et per comitatum Cremone, Brixie,
Placencie, Parme, Regii, Mutine, Mantue, Padue, Ferarie, et per adiacentes contratas citra
et ultra Padum, ut diceretur a gentibus quod diluvium particulare fuisset hiis diebus et
contratis, ita quod ville et domus submerse fuerunt, magna quantitas hominum et mulierum
et puerorum suffocata, bestie absque numero similiter suffocate, suppelletilia infinita perdita et
consunpta.
Item, eodem anno, die veneris XXIV mensis decenbris, in vigilia Nativitatis domini nostri
Ihesu Christi, obiit dominus frater Bonifacius archiepiscopus sancte Ravennatis ecclesie, qui
acquisivit et auxit et augmentavit multa bona et iurisdictiones et honores dicte ecclesie, et
|
|