Sanctę Lucię quę posita est in monte Marciano, fines vero:
a fossato in fossatum et fistula cum aqua. item, Aza relicta
Rainerii et filia Adelberti, consentiente Bonefatio filio eius, dedit
in hoc monasterio res suas de Cornazano modiorum .III. item,
Pico filius Benedicti et Boniza uxor eius refutarunt in hoc monasterio
res de Castellione iuxta Cesam Arnonis, et recepit prętium
solidorum .XXIII. item, Romanus pręsbyter filius Iohannis
dedit in hoc monasterio res suas territorii Reatini de Ophiano ubi
dicitur Castellionis modiorum .VIII. item, Benedictus pręsbyter
filius Arnulfi dedit in hoc monasterio portionem suam de
Sextiliano, et alias res de Nazano. item, Iohannes Tiniosus
refutavit in hoc monasterio res unde scriptum acceperat ab hoc
monasterio cum portione ęcclesię Sanctę Marię in Pisile, et ibidem
tertiam partem unius molini.
Erat autem tunc temporis contentio inter huius monasterii monachos
et nepotes Hilderici ac filios eius qui tenebant has curtes
huius monasterii: idest curtem de Marruce cum servis et ancillis.
curtem de Puplito cum servis et ancillis. et in Civitate terras et
prata. in campo Fingiani, et in Termine, et per alia loca et vocabula.
in Interocro duas curtes, Sextuni et Vallantis, cum illarum
pertinentiis, unde est castellum Ianulę quod tenent per iniustum
concambium, in montibus ibi prope constitutis. et in
Campo Ancillarum Dei. in Paterno, et Moza, et Ponte, atque
Arturano. in Cesonis Cerretum Monaciscum, et gualdum de
Treforco, et casalem Optuli, et casalem Maximum. in Reatina
civitate de intus et de foris. et curtem Sancti Gregorii. et in
Ciculano terram quam perdiderunt sua negligentia et parentum
suorum. in plurimis quoque locis vendiderunt parentes eorum
et ipsi de prędictis rebus, etiam servis et ancillis. censum vero
tempore pręfati Hugonis abbatis non dederunt. pro his denique
culpis reclamaverunt huius monasterii prępositus Adam et aliqui
|
|