CXXXV.
Resposiva ad eamdem.
Noverit vestra prudentia circumspecta quod tales vestros
clericos, qui nobis ex parte vestra litteras deprecatorias attulerunt,
ad ordines promovimus postulatos, parati semper
facere que caritati vestre debeant complacere.
CXXXVI.
De capitulo ad archiepiscopum pro confirmatione electi.
Reverendo patri et domino plurimum honorando S.
Dei gratia archiepiscopo Ravennati, prepositus et capitulum
Mutinense salutem et promptum devotionis intime famulatum.
Pastore nostro A. bone memorie viam universe carnis ingresso,
inter nos de successione tractantes, de communi voluntate
T. Bononie archidiaconum in nostrum elegimus dominum,
episcopum et prelatum. Cuius electionem a vobis humiliter
petimus confirmari, vestre benignitati devotissime supplicantes,
ut confirmationem ipsam nobis velitis mittere vestri
sigilli robore insignitam.
CXXXVII.
Responsiva ad predictam.
Electionem quam de tali persona fecistis, et ratione ipsius
electi qui multa scientia et honestate prefulget, et gratia
vestri qui semper devoti et obedientes Ravennati ecclesie extitistis,
utpote dignam et canonice prout expedit celebratam,
merito confirmamus, dilectioni et caritati vestre confirmationem
ipsam sub nostri sigilli munimine transmittentes.
|
|