commodum auditorum visa fuerint pertinere. (4) Acquiritur
adhuc attentio cum ab auditoribus audientia postulatur et cum
de certis rebus, quas enumerabimus, nos dicturos breviter et
lucide promitemus.
4. (1) QUOMODO BENIVOLENTIA ACQUIRATUR.
(2) Benivolentia comparatur ex circumstantiis rerum et meritis
personarum. Quod fit quattuor modis, scilicet a nobis, ab
aversariis, ab auditoribus et a rebus.
(3) A nobis enim, id est de nobis loquentes, benivolum reddimus
auditorem si officium nostrum sine arrogantia commendemus
(4) et quantum et qualiter communitati profuerimus
ostendamus aut quales erga parentes extiterimus et amicos vel
erga eosdem qui tunc aderunt auditores, (5) ostendendo insuper
nostra incommoda et orando ut sint nobis auxilio et dicendo
quod in aliis noluerimus spem habere.
5. (1) QUOMODO PER EA QUE DE ADVERSARIO DICUNTUR BENIVOLENTIA
COMPARETUR.
(2) Ab aversariis, id est per ea que adversariis attribuuntur,
possunt fieri benivoli auditores si adversarios in odium ducemus
vel in invidiam vel contemptum.
(3) In odium quis trahitur si quid ab eo superbe, crudeliter,