meditatione hanc veram traditiunculam legite,
sollicita indagatione, discutite, sagaci intellectu
capite, tenaci memorie commendate.
III. INTRODUCTIO
Inter breve etenim spatium temporis,
si meis ammonitionibus obtemperaveritis huius
artis notitiam attingere valebitis; atque
ne diu lectorem suspensum teneam, huius
opusculi ianuam intrare cupientibus pandam.
Primo itaque oportet dictatorem cognoscere
grammaticam, dialeticam, rethoricam eloquentie
studia huic operi necessaria,
Grammatica enim cum sit recte loquendi
scientia, verba cum nominibus docet coniungere
certasque dictiones certa propositionis
lege disponere.
|
|