Beati Clementis martyris iuxta fluvium Piscarie in Insula, ubi dicitur
Casa Aurea, eumque rebus et possessionibus ammodum ditavit
amplissimis. huius monasterii, nostris temporibus, abbates fuerunt
quidam ex nostris senioribus, ex quibus precipuus fuit nostri
monasterii prepositus nomine * * *
Ante hec tempora fertur, quod filia regis Francorum, per
incontinenciam excedens, patrem offenderet, unde permotus rex,
quod pudoris torum violasset, datis rebus necessariis, mandat ductoribus
illam extra patriam exulem fieri. qui deducentes eam
multis diebus, longo itinere confecto, tandem Valerie partibus
applicuere, ubi a quodam illustri viro, nomine Morino, excepti,
|
|