ut in eodem Illic timendum ratibus etc. ; uel anapesto, ut in eodem
Pacem reducere uello etc. ; uel tribraco, ut in eodem Archadia quare
te nemora etc. Quarto iambo, ut Soror tonantis etc. ; uel
tribraco ut in eodem Nomen relictum etc. Quinto spondeo,
ut Soror tonantis etc. ; uel anapesto, ut in eodem Ac templa summi
uidua deserui etheris ; uel daptilo, ut in eodem Non causa set non pereat
omnis memoria . Sextus pes est iambus, ut Locumque celi
pulsa pelicibus dedi ; uel pirichius, ut Nomen relictum etc. Hoc metri
genus predominatur locumque obtinet in hiis decem tragediis.
Fitque metri uariatio, cum persone et sententie uariantur, prout
se habet ad modos loquendi diuersa concinnitas, prout inspicienti
artis metrice gnaro liquescit.
Hiis prelatis ad operis huius euidentiam solite fiant discutiones
dicaturque que materia, que intentio, que utilitas, cui parti
philosophye supponatur et quis sit libri titulus. Materia sunt gesta
Ecerini. Ecerinis patronomicum est, i. de Ecerine tractans, sicut
Thebais de Thebis; per hoc siquidem Ecerinidis uocabulum gesta
Ecerini primordia, s. statum et declinationem, depromere intendit
tragico stilo, sicque Ecerini gesta sunt huius tractatus materia.
Intentio uero est eandem tractare materiam et circa illam uersari.
Vtilitas est attendenti preuissionis edotio siue doctrina; multociens
enim preterita qualia sunt uentura, diiudicant. Vnde prudentia
exoritur que prudentes facit. Parti philosophye supponitur ethice,
i. morali; exemplis enim assuefit et generatur et augetur uirtus.
Nulla enim uirtutum inest homini natura, set aptus natus est homo
suscipere per assuefationem et dotrinam, sicut ponit Ar(istotiles)
in principio Ethicorum, et circa hoc potissime intentio
auctoris uersata est, ut uisa Ecerini tyrannide docti Paduani
et quis alii ciues sicut aduersa consentaneis ad ciuilitatem moribus
aspernentur.
Libri titulus talis est: Albertini Musati patauini tragedia Ecerinis
incipit. Auctor iste paduanus fuit, qui, etsi ignobili, non tamen obscuro
genere natus patre et matre plebeus. Hic liberalibus imbutus
disciplinis, ad pretorium causarum forensium se contulit inter
causidicos legum municipalium consuetudinumque palatinarum
perspicax habitus. Inde ad decurionatum et honores plubicos (!)
assurgens cancelarius sigillafer, tribunus plebis et in prestanciis cum
maioribus obuersatus est, sicque inter optimates ciuitatis carus.
Substancias suas ausit. Alterum ex fratribus maiorem natu ad abbatie
|
30
35
40
45
50
55
60
65
|