persone, universitas seu universitates iurisdictionis nobis commisse
non debeant, audeant vel presumant facere aliquod monopolium vel
aliquam coniurationem, conspirationem, adunanciam, coligationem,
societatem seu legam quocumque nomine censeantur, cum aliquibus
aliis personis vel universitatibus eiusdem iurisdictionis vel etiam
aliunde absque speciali licentia domini nostri pape vel nostra, sub
pena mille marcharum argenti pro qualibet universitate et plus et
minus nostro arbitrio auferendi, et pro singulari persona, pena personarum
et publicationes bonorum, que bona ex nunc prout extunc
si per singularem personam contra presentem constitutionem factum
fuerit, Camare Romane Ecclesie publicavimus et decernimus ipso iure
ad ipsam Camaram pertinere; et si que facte sunt vel fuerint in futurum
exnunc prout extunc eas cassamus et decernimus inutiles
et inanes.
[XXXII] Item statuimus et ordinamus quod si aliqui de hiis qui
fuerunt actenus in rebellione Ecclesie et postmodum venerunt vel
venient in futurum ad mandata domini Summi Pontificis Ecclesie
Romane et nostra invenientur posmodum dicto seu facto auxilium
prebuisse rebellibus Ecclesie vel ad ipsos rediisse vel posmodum
cum eis absque licentia vicarii domini pape vel nostra coloquium vel
tractatum habuisse tamquam prodictores manifesti et comitentes crimen
lese maiestatis, capite puniantur; et ipsorum bona ipso facto
Camare Romane Ecclesie publicentur. Et nos exnunc prout extunc
bona ipsorum qui contra presentem constitutionem venerint seu fecerint,
publicamus et decernimus ad Camaram Romane Ecclesie devenire
presertim cum omnibus quibus cum ad mandata recepti sunt
premissa specialiter ferint interdicta.
[XXXIII] Item statuimus et ordinamus quod aliqua persona non
habeat coloquium, parlamentum vel tractatum cum aliquibus rebellibus
Romane Ecclesie sub pena capitis et publicatione bonorum Camare
domini pape applicandorum absque licentia speciali domini vicarii
domini pape vel nostra.
[XXXIV] Item statuimus et ordinamus quod aliqua persona religiosa
vel secularis non debeat, audeat vel presumat per se vel per
interpositam personam emere vel aliquo alio titulo aquirere seu deffendere
possessiones aliquas vel iura que fuerint aliquorum Lambertaciorum
vel aliorum, qui sunt in rebellione Romane Ecclesie, sub
pena nostro arbitrio auferendorum, et si aliqua persona religiosa vel
secularis ab illo tempore citra, quo in rebellione fuerint, emptionem
|
|