XX.
DE FINIBUS DISTINCTIONUM
I REGULA
Circa finalitatem distinctionum taliter est secundum
stilum Romane Curie distinguendum.
Si penultime dictionis penultima sillaba sit acuta,
debet sequi dictio trisillaba finitiva, cuius penultima
producatur hoc modo: Peccatum quodlibet in confessione
lavatur .
II REGULA
Quod si fieri non potest, ex monosillaba et bisillaba
compleatur, ut: Seminemus in terris que annuente
Domino recolligere valeamus in celis .
III REGULA
Potest etiam sequi dictio tetrasillaba competenter,
cuius penultima brevietur, hoc modo: Ad finem laudabilem
non perveniunt que mala sunt inchoata principio .
IV REGULA
Idem fit ex monosillaba et trisillaba dictione,
cuius penultima brevietur, hoc modo: Legum ultionem
non fugiat, qui legibus obviare non timuit .
|
|