Pag 203

Euidentia Ecerinidis edita per magistrum Pacem
 
(S)Ophoclem accepimus tragediarum scriptorem. Is Odisseam,
Yliadem, Oedippodem, Herculem furentem et alias plures
in greco conscripsisse fertur. Ad quarum instar Anneus Seneca,
Neronis preceptor, tragedias .x. latino metro composuit, s. Herculis
furentis et Oethei duas, Troadem, Agamenoniam, Medeam,
Ypolitum, Oedyppum, Thebaidem, Thiestem et Otauiam. Tragedia
alta materia est, sicut comedia uilis; unde Oracius: Versibus
exponi tragicis res comica non uult. Proprie autem tragediarum
stillus corruentum regnorum et regum et ducum declinationibus
congruit; unde Boetius: Quid aliud tragediarum clamor
defflet nisi indiscreto ictu fortunam felicia regna uertentem?
Tragos autem grece, latine dicitur hyrcus; quo genere calciamenti tragedi
utebantur in recitatione senarum. Conuenitque tali materie pes
iambus exclamationibus et lamentis assonus; quo pede Archilocus
primum usus metra constituit; unde Archilocum proprio rabies
armauit iambo. Et hoc genere metri Sophodem (!) imitatus
Seneca plurimum ussus est in prefatis decem tragediis, s. trimetro
iambico archilochio. Constat quippe sex pedibus, s. primo
iambo, ut in Hercule Soror tonantis etc.; uel spondeo, ut in eodem
Nomen relictum est etc. ; uel anapesto, ut in eodem Thirie per undas :
uel datilo, ut in eodem Set uetera sero querimur ; uel tribaco, ut
in Medea Remedia quotiens ; uel proceleumatico, ut in eodem Pauet
animus et horet . Secundo iambo, ut in Hercule Soror tonantis etc. ;
uel tribraco, ut in eodem Hinc clara gemini. Tercio
iambo, ut Soror tonantis hoc enim solum michi ; uel spondeo,
ut in eodem Nomen relictum est semper alienum ; uel daptilo,