VERSUS PETRI.
Paule, sub umbroso misisti tramite versus,
Quos pietas nostri suscepit culminis apte;
In quibus exultans calamo te ludere posse
Dixisti, quoniam nostro es susceptus honore.
Triste sub ardenti laetatur pectore viscus,
Iamque cavo mollis resonat tua lingua palato,
Et patris egregiis sublimas cantibus agrum,
Cum genitore pio, qui caeli regnat in arce,
Quod te post tenebras fecit cognoscere lumen.
|
|