6. Dedit spiritum suum . Id est, quia non solum
superiora praecepta praedicandi nobis invexit, sed ut
majoris auctoritatis in praedicando essemus Spiritum
sanctum suum nobis dedit.
7. Ipsi vos didicistis , per inspirationem divinam,
vel per evangelicum praeceptum, ubi a Christo de
dilectione praecipitur.
8. Etenim facitis . Alia causa cur de charitate non
habeat eis necesse scribere.
9. Rogamus vos , etc. Contra eos qui inquirebant
omnia otiosi, nihil laborantes.
10. Nolumus autem vos . Ad illos qui dolebant de
amicis, quasi non resurrecturis.
11. AUGUST. (serm. 31, De verb. Apost . cap. 7, tom.
X). Nolumus autem . Nam ideo et dormientes eos
appellat. Scripturae veracissima consuetudo, ut cum
dormientes audimus, evigilaturos minime
desperemus.
12. AMBROS. Nolumus autem . Bene non tristitiam
ademit, sed immensam eam perhibuit comparatione
adversariorum, ad verecundiam eos devocans, et
quod illi non habent spem.
|
|