cives tunc capientes, omnes alios fugaverunt Mediolanenses
itaque, quia transitum Adue imperatori se leviter
prohibere posse putabant, postquam imperatorem et omnem
eius exercitum Aduam tali virtute pertransisse cognoverunt et
suos sic esse interfectos ac captos atque fugatos audierunt, valde
pertimuerunt. Sed imperator cum omni suo exercitu ad castrum
Tricii deambulans eumque graviter expugnans ipsum
devicit ac cepit suosque Teutonicos milites intus pro ipso
castro custodiendo posuit.
Deinde Imperator die Iovis, qui tunc fuit pridie kalendarum
Augusti, ad Lambrum in pratis de Castiraga veniens,
ibi castrametatus est; tenueruntque castra exercitus
eius spissa ab utraque parte Lambri a Castiragha usque ad
Salarianum. Itaque Laudenses cum crucibus ibi ante imperatorem
venientes pedibusque suis proicientes racionem
de Mediolanensibus, qui eos ex propriis laribus expulerant
omniaque eorum bona ipsis abstulerant, ab ipso imperatore
exigerunt. Petieruntque etiam insuper ab eo, ut propter
Deum et anime patris sui remissionem ac pro honore etiam
|
1
5
10
15
|