et norma regnorum, et cum statu pacifico populorum
justitiam roboret, et ordo decoret:
ordinarium fore providimus ordinare justitiam,
quam copiose mandavimus regni nostri
fidelibus ministrari, ut non minus ordo
quam copia, sanctum et providum voluntatis
nostrae propositum praeconizet. Ad cujus consummationem,
cura perspicua uti laborantes,
necessarium duximus.
Cap. CXXXVII.
Fidelibus suis de Marchia, ut parent se ad exercitum
cum eo.
Cum vires Excellentiae nostrae, proxima
ventura aestate, potenter et magnifice
ostendere ac extendere disponamus, ut
rebelles [nostri terriri, et attriti clava nostrae
potentiae demergantur ad ima]: virtutem
vestram et fidem, ac caeterorum nostrorum
fidelium Marchiae, promptam volumus et devotam
assurgere, ac roboratis viribus in conspectu
nostro placide comparere: ut laudis titulis
possitis apud Excellentiam nostram
semper de bono in melius
promoveri .