10. Nos sumus digni milies, quam patimur,
uindicta, iusto si feras iudicio
percelli. Nostrae quodsi recordaberis
iniquitatis, domine, quis, domine,
alta potestas, sustinere poterit?
11. Sed quia tu es pius, dulcis dominus,
totus suauis ac desiderabilis,
mitis, benignus, unicus omnipotens,
aeterni patris tu dilectus filius,
tuo nos salua cruore rosifluo.
12. Kyrieleyson, miserere, domine,
parce placatus, infinita pietas,
kyrieleyson, subueni misericors,
indulge, dulcis bonitas, altissime,
kyrieleison, Christe, tu nos libera.
13. Gloria deo patri sit altitrono,
gloria semper coaeterno filio,
sit semper omnis gloria paraclito,
trino qui regnat decus et imperium
et nunc et ultra per cuncta sit secula.
|
|