Preterea quoque imperator cum Cremonensibus et Papiensibus
parteque Laudensium et cum Papie navigio ac duabus
Laudensium petreriis iterum ivit ad pontem Placentinorum
capiendum et destruendum in die Mercurii, que fuit tercio
decimo kalendas sequentis mensis Novembris de indictione
octava. Quod Placentini presentientes ipsum pontem statim
destruxerunt, reducentes omnes naves integras usque ad ripam
Padi, que est versus Placentiam. Sed Laudenses in quodam
mezano, que Insula dicitur, prelium cum Placentinis incipientes
unum ex ipsis Placentinis interfecerunt.
Et eodem die captus est Bagnagatta in itinere Papie,
qui latitabat die noctuque in nemoribus cum multis aliis sociis
suis ad capiendos Teutonicos et omnes, qui fuerant ex parte
imperatoris, et qui audacissimus depredator erat multosque
ceperat ac etiam morti donaverat de his, qui fuerant amici
imperatoris; magisque timebatur quam aliquis alius Mediolanensis.
Et dum Laude captus duceretur, quidam Papiensis
pedem sibi detruncavit. Imperator vero considerans se tunc
Placentinos non posse multum ledere, Cremonam profectus est.
In die vero Veneris, que fuit quarto kalendas istius
mensis Novembris, Mediolanenses, qui pontem custodiebant
|
1
5
10
15
20
|