Davus, Geta, Biria:
tales tibi famulantur,
tales de te gloriantur
tabernali curia.
Propter tui pravitatem
nullam habens libertatem
domos tenes parvulas.
Ego magna sum in mundo,
dissoluta me diffundo
per terre particulas.
Potum dono sitienti
et salutem sum querenti
valde necessaria,
que adveho peregrinos
tam remotos quam vicinos
ad templi palatia».
Vinum hec: «Te plenam fraude
probas esse tali laude;
verum est quod suscipis
naves, post hec intumescis,
dum franguntur non quiescis,
et sic eas decipis.
Qui non potest tunc potare
et te totam desiccare,
tendit ad pericula.
Tibi credens sic declinat,
ita per te peregrinat
ad eterna secula.
Ego deus, et testatur
istud Naso; per me datur
cunctis sapientia.
Cum non potant me magistri,
sensu carent, et ministri
non frequentant studia.
Non a falso potest verum
separari, nisi merum
me potare nititur.
Claudus currit, cecus videt,
|
|