4. AMBROS. Et de his volo . Necessarium utique
ut ipse cum multa fiducia de his doceas, et consilium
des illis qui crediderunt Deo, quatenus diligentiam
convenientium adhibeant. Et omnia ista ad
illud reddidit quod superius dixerat commune eos
principatibus et potestatibus subditos esse.
5. LANFR. Confirmare . Ordo: confirmare, sed
[ f ., scilicet] eos qui credunt Deo, ut curent, etc.
6. Operibus , id est, ut studeant majora operari,
sicut sunt in majori loco constituti.
7. Genealogias . Genealogias Christi aliter computabant
quidam quam Evangelistae et apostoli, quos
vitandos potius quam confutandos praecipit.
8. Contentiones . Contentiones et pugnae legis
erant inter Judaeos et Christianos, illis ad litteram,
his ad spiritualem intelligentiam legem oportere
intelligi contendentibus.
9. Judicio . Proprio judicio se condemnat qui errorem
laudat, vituperat veritatem.
|
|