coram tali iudice, et generaliter in omnibus causis et
singulis, quas habet, vel habere sperat, cum aliqua persona
vel loco, uno vel pluribus, coram quocunque iudice
curiarum, sive iudicibus spiritualibus sive temporalibus,
vel coram domino episcopo, vel subdito ab eo, seu
coram potestate Florentie, vel eius iudice aut notario,
et quolibet iudice curiarum comunis Florentie, ut possit
et ei liceat, in predictis et quolibet predictorum, agere,
petere, excipere, defendere, respondere, accusare et recusare,
exceptionem opponere de calumnia, seu de veritate
dicenda, iura, testes producere, publicationem
testium et sententiam vel sententias audire et appellare,
et appellationem unam vel plures prosequi, executionem
petere, et omnia et singula facere que pertinent,
seu pertinere possunt, ad predicta, vel aliquod
predictorum, promittens, de consensu ipsorum fratrum
et monasterii, habere ratum et firmum quicquid ab ipso
I. factum fuerit de predictis, seu aliquo predictorum.
Actum loco tali et cetera. Vel: fecit talem et talem, et
quemlibet eorum in solidum, vel plures, suos et dicti
monasterii sindacos et procuratores et cetera.
DE CAMERARIO VEL CASTALDO.
Abbas talis, consensu et parabola monasterii fratrumque
suorum talis talium, constituit et ordinavit et
fecit talem suum, et dicti monasterii, sindacum, camerarium
et castaldum, atque procuratorem, super possessionibus
et bonis et rebus omnibus que et quas dictum
monasterium habet loco tali, dans ei plenam licentiam
et potestatem et mandatum ipsas possessiones locandi,
et exigendi, et recolligendi fructus et ricoltas ipsarum
possessionum et rerum, et decimas, primitias, ficta, pensiones
et servitia, ac usarias, omniaque iura et redditus
et obiectiones, ac omnia et singula que debentur vel
debuntur ex eis; promittens idem abbas habere firmum
et ratum quicquid inde dictus I. fecerit de predictis,
|
|