Stupent sani christiani de magorum artibus,
Quod in palam se demonstrant in Romanis partibus,
Nam Prandellus eas docet, effectus Nactanabus.
Ut se tradidit Merdulfus malignis spiritibus,
Furiarum propulsatur creberrimis ictibus,
Colluat ut contra regem omnimodis litibus.
Non rementus, quod a rege sit raptus de stercore
Et per eum factus homo de balanti peccore;
Inter principes locatus erat maior Hectore.
Sed Prandello instigante periurus efficitur
Et tocius benefacti regis obliviscitur;
A Zypheis pice tinctus mox tyrannus dicitur.
Qui per hostium non intrat ad regni fastigium,
Mercennarii vel furis sequitur vestigium,
Non purifìcat hunc crisma, sed pix reddit Stigium.
|
|