Tertius ad Noton est, Pretoris nomine dictus,
mille per amfractus et mille volumina fictus
unde nec insidias nec vim timet ille furorum,
munere nature munitus et arte Priorum.
Hic veterum fulgent miranda palacia regum,
hic etenim viguit jus et celebratio legum;
hic etiam gelidus fons est, ut dicitur, unus
cui natura potens dedit hoc mirabile munus:
huius si quis aqua pociatur sepe serena,
non timeat rabidos morsus nec dira venena.
Huic vicina manet gens hoc secura timore,
libera vexatur quo cetera terra labore.
|
65
70
|