ubi est domus Ricchi, qui dicitur ser Bonzani filii Riccardi.
Ibique fuerunt pauci obviam eis, inter quos fuit Ligabos, qui
dicitur Scarpigna, qui cum magno lapide sic unum de eis
percussit, quod ipsum semivivum usque in fundum fossati
in aqua proiecit; quem sic irruere socii conspicientes, statim
omnes perterriti fugiendo redierunt, socium de fossato extrahentes.
Sed cum maximum prelium per magnam partem diei
Mediolanenses cum Laudensibus commisissent, uidentes se
parum posse Laudensibus nocere tum propter fossata maxima
tum propter paludes, de quibus civitas circumdata fuerat,
tum etiam propter copiam Laudensium bene armatorum seque
fortiter defendentium a prelio discesserunt, ad tentoria revertentes.
Laudenses vero Cremonam atque Papiam suos nuncios
misere, qui Cremonensibus et Papiensibus atque imperatori,
qui tunc erat Papie, que acta fuerant intimarent et auxilium
ab eis peterent. Sero autem facto Placentini in auxilium
Mediolanensium venere, per mediam portam Cremonensem
fere usque ad paludem castra ponentes. Laudenses autem
civitatem per totam noctem undique cum multis armatis
|
1
5
10
15
|