libro Moralium dicit: «Secundum diversas diversorum contemplationes
varias diversis temptationum illaqueat deceptiones. Nam
letos temptat de luxuria, tristes de discordia, timidos de desperatione,
superbos de presumptione». Item: «Demonum intentio
tota est ad malum et ad fatigationem bonorum». Unde Leo papa
dicit: «Non enim desinit hostis antiquus transfigurans se in angelum
lucis deceptionum laqueos ubique pretendere et, ut quoquo
modo fidem credentium corrumpat, instare. Novit cui adhibeat
estus cupiditatis, cui illecebras gule ingerat, cui apponat incitamenta
luxurie, cui infundat virus invidie. Novit quem merore
conturbet, quem fallat gaudio, quem metu opprimat, quem admiratione
seducat. Omnium discutit consuetudinem, ventilat curas,
scrutatur affectus, et ibi causas querit nocendi, ubi quemque
viderit studiosius occupari. Habet etenim multos ex eis
quos tenacius obligavit aptos artibus suis, quorum ad alienos decipiendos
et ingeniis utatur et linguis».
Ostenditur hic quod, procurante diabolo, multi decipiuntur.
Nota quod diabolus tota sollicitudine curat ut aliquem de
Ecclesia rapiat. Unde Iob XL: Absorbebit fluvium et non mirabitur,
id est pro magno non habet, si devorat infideles. Habet
enim fidutiam quod influat Iordanis in os eius, id est quod devoret
baptiçatos; et specialiter instat perfectis et religiosis viris.
Unde Abacuch I: Cibus eius electus. Ubi dicit Ieronimus: «Iob
subvertere cupit, et devorato Iuda ad cribrandum Apostolos expetit
potestatem». Sed cum non ignoremus cogitationes eius, sicut
dicit Apostolus, ad Cor. II (callide enim insidiatur nobis),
debet quilibet facere quod Ecclesiasticus docet, XXXIII: In
omnibus operibus tuis precellens esto, et ne dederis maculam in
gloriam tuam. Nam beatus qui non servivit indignis se, Eccli. XXV.
Verumtamen nec ipse diabolus transibit impunis, quia, sicut dicit
Sapiens in Proverbiis XI, si iustus in terra recipit, quantó magis
impius et peccator? Ideo dicit beatus Gregorius in Moralibus,
libro XXXIII: «Apparente iuditio, cuncto assistente celestis
|
|